Eftir að þriðja tuginum lauk í íbúðaskoðuninni ákváðu hjónin að skrolla til baka og skoða aðeins betur það sem þau skoðuðu í fyrstu törn.

Og viti menn; nú hefur dregið til tíðinda. Hjónakornin hafa gert einkar siðsamlegt tilboð í ákveðna eign, sem hefur það helst til að bera fram yfir aðrar að státa kumli í bakgarðinum.

Kuml eru víst friðuð og því er tryggt að ekkert verði byggt í rytjulega en þó ögn rómantíska trjálundinum fyrir aftan viðkomandi eign.

Vei, vei, vei...

Og svo er bara að bíða og sjá hvort eigandinn er til í að selja.